FTESË PËR TENDER PËR OFRIMIN E ENERGJISË ELEKTRIKE PËR MBULIMIN E HUMBJEVE NË RRJETIN E TRANSMETIMIT

Operator Sistemi, Transmisioni dhe Tregu i Kosovës - KOSTT SH.A.

Adresa :                       Rruga: Isa Boletini  Nr.39, 10000 Prishtinë, Republika e Kosovës

Personi Kontaktues :   Shyqeri Morina

E-Mail Adresa:            shyqeri.morina@kostt.com

FTESË PËR TENDER

PËR OFRIMIN E ENERGJISË ELEKTRIKE PËR MBULIMIN E HUMBJEVE NË RRJETIN E TRANSMETIMIT

Sipas Ligjit për Energjinë Elektrike, KOSTT menaxhon dhe operon me sistemin e transmetimit të energjisë elektrike të Kosovës. KOSTT është i obliguar të bëjë prokurimin e humbjeve në rrjetin e transmetimit në tregun e energjisë elektrike nga ofruesit  të cilët i plotësojnë kushtet administrative dhe teknike, në pajtim me Procedurën për Tregtimin e Energjisë të miratuar nga Zyra e Rregullatorit për Energji.

KOSTT fton të gjithë pjesëmarrësit e tregut të licencuar nga Zyra e Rregullatorit për Energji apo që kanë licencë të njohur nga Zyra e Rregullatorit për Energji në pajtim me legjislacionin në fuqi dhe i plotësojnë kushtet për ofrimin e energjisë elektrike për mbulimin e humbjeve në rrjetin e transmetimit, të marrin pjesë në tenderin e organizuar nga KOSTT për ofrimin e humbjeve në rrjetin e transmetimit.

1. Objekti i prokurimit:

Produkti: Furnizimi me energji elektrike për të mbuluar humbjet në rrjetin e transmetimit për periudhën: 01.06.2024 deri më 31.12.2024.

Specifikimet teknike:

• Afati i dorëzimit: nga 01.06.2024. deri më 31.12.2024;
• Fuqia dhe profili i dërgesës: 9 MWh/h (ose më e ulët se 9 MWh/h varësisht nga sasia e kërkuar për muajin specifik si përcaktohet në dosjen e tenderit) çdo ditë në muaj, e hënë – e diel, nga ora 00:00 deri në orën 24:00;
• Vendi i dorëzimit: Operator Sistemi, Transmisioni dhe Tregu i Kosovës - KOSTT SH.A.;
• Ofertuesi mund të ofrojë kapacitet më të ulët se 9 MWh/h, por jo më të ulët se 1 MWh/h;
• Kapaciteti i ofruar do të rrumbullakoset në numrin e parë të plotë më të ulët (në MWh/h).

2. Përshkrim i shkurtër i procedurës së tenderimit dhe kualifikimit:

Palët e interesuara mund të kërkojnë dosjen e tenderit nga personi kontaktues, e cila përbëhet nga:

• Kushtet e Përgjithshme për Prokurimin e Humbjeve në Rrjetin e Transmetimit;
• Shpjegimet për Kontratat për Ofrimin e Humbjeve në Rrjetin e Transmetimit;
• Kriteret për Vlerësimin e Ofertave për Ofrimin e Humbjeve në Rrjetin e Transmetimit;
• Forma për Dorëzimin e Ofertave për Ofrimin e Humbjeve në Rrjetin e Transmetimit;
• Shablloni i Kontratës për Ofrimin e Humbjeve në Rrjetin e Transmetimit.

Palët e interesuara Ofertën duhet ta dorëzojnë në një zarf me shënimin: “Oferta për Ofrimin e Humbjeve në Rrjetin e Transmetimit – KOSTT- shënohet emri i subjektit dhe adresa e të cilit e dorëzon ofertën – Zarfi Nr.1’’.

Në Zarfin Nr. 1 vendosen në zarfe të veçanta:

• Zarfi Nr. 2 me Kushtet Teknike dhe Administrative, i cili përmban dokumentet e kërkuara në të cilin shënohet “Oferta për Ofrimin e Humbjeve në Rrjetin e Transmetimit-KOSTT-Kushtet teknike dhe administrative” dhe emri i subjektit dhe adresa e të cilit e dorëzon ofertën; 
• Zarfi Nr. 3 me Ofertën Komerciale me çmim përkatës, në të cilët shënohet “Oferta për Ofrimin e Humbjeve në Rrjetin e Transmetimit-KOSTT-Oferta Komerciale” dhe emri i subjektit dhe adresa e të cilit e dorëzon ofertën sipas  “Formës për Dorëzimin e Ofertës për Ofrimin e  Humbjeve në Rrjetin e Transmetimit”.

Pala, që nuk i plotëson kushtet teknike dhe administrative në përputhje me Kushtet e Përgjithshme për Prokurimin e Humbjeve në Rrjetin e Transmetimit do të diskualifikohet dhe pala do të njoftohet për arsyet e diskualifikimit para datës së caktuar për hapjen e ofertave komerciale. Nëse pala diskualifikohet, Oferta komerciale e palës përkatëse nuk do të hapet.

Pala, e cila diskualifikohet ka të drejtë të paraqes ankesë me shkrim për shkeljen eventuale, përmes e-mailit tek KOSTT, brenda 24 orësh nga momenti i njoftimit nga KOSTT. Në këtë ankesë, ankimuesi duhet të paraqes emrin dhe adresën, referimin për procedurën konkrete, ku ka marrë pjesë, bazën ligjore dhe përshkrimin e shkeljes së pretenduar.

Hapja e ofertave komerciale të palëve të kualifikuara do të jetë publike dhe palët e interesuara kanë të drejtë të marrin pjesë në ceremoni, ku do të bëhet radhitja e ofertave nga oferta më e lirë.

KOSTT mundet që në çdo kohë deri në lidhjen e Kontratave për Ofrimin e Humbjeve në Rrjetin e Transmetimit të anulojë pjesërisht ose tërësisht tenderin/ftesën për oferta për Humbjet në Rrjetin e Transmetimit dhe palët ofertuese me dorëzimin e ofertës pranojnë dhe njohin këtë të drejtë të KOSTT-it.

3. Afatet kohore,   Datat kyçe për këtë xhiro të tenderit janë dhënë në tabelë:

Dokumentet e nënshkruara duhet të dorëzohen në KOSTT me shkrim nëpërmes postës ose të dorëzohen në kopje fizike në selinë e KOSTT-it në adresën: Operator Sistemi Transmisioni dhe Tregu – KOSTT SH.A., Rr. Isa Boletini, Nr. 39.  10000 Prishtinë, Republika e Kosovës, para afatit të fundit për dorëzimin e tenderit.

Për informata shtesë dhe pyetje sqaruese palët mund të adresojnë e-mail te: Shyqeri Morina, përmes e-malit: shyqeri.morina@kostt.com , në kopje, cc: alban.fetahu@kostt.com. Nuk lejohet dhe nuk pranohet asnjë komunikim telefonik ndërmjet palëve dhe zyrtarëve të KOSTT-it lidhur me “Ofertën për Ofrimin e Humbjeve në Rrjetin e Transmetimit-KOSTT”.

Shënim: Të gjitha informatat dhe dokumentacioni i hartuar nga KOSTT dhe të pranuara nga palët përkatëse në këtë tender janë pronësi intelektuale e KOSTT SH.A.